Mae ARIADNE yn brosiect a ariennir gan FP7. Doug Tudhope yw'r Prif Archwiliwr, mae Ceri Binding ac Andreas Vlachidis yn Gymrodyr Ymchwil ar y prosiect ac mae Morgannwg yn arwain WP15 ar Gysylltu Data Archeolegol

Cefndir

Prosiect 4 blynedd yw ARIADNE (Seilwaith Ymchwil Uwch ar gyfer Rhwydweithio Setiau Data Archeolegol yn Ewrop) a gychwynnodd ym mis Chwefror 2013 ac a ariennir gan yr UE (eu 205,000 i Forgannwg). Mae'n brosiect seilwaith FP7 yr UE sy'n cynnwys 24 o bartneriaid.

Ar hyn o bryd mae setiau data digidol archeolegol ar gael o wahanol gyfnodau, parthau a rhanbarthau. Fodd bynnag, cyfyngir ar eu potensial gan anawsterau o ran mynediad a safbwyntiau nad ydynt yn homogenaidd.

Nodau

Nod ARIADNE yw integreiddio'r seilweithiau data ymchwil archaeolegol presennol fel bod ymchwilwyr yn gallu defnyddio'r amryw setiau data a ddosbarthwyd. Bydd ARIADNE yn galluogi ymchwilwyr i gael mynediad trawswladol i ganolfannau data, offer a chanllawiau, a chreu gwasanaethau newydd ar y we sy'n seiliedig ar ryngwynebau cyffredin i storfeydd data, y data sydd ar gael a'r defnydd o dechnolegau arloesol. Bydd yn ysgogi cyfleoedd ymchwil newydd ym maes archaeoleg, gan ddibynnu ar gymharu, ailddefnyddio ac integreiddio i mewn i ymchwil cyfredol o ganlyniadau gweithgareddau maes a labordy cyfredol a blaenorol.

Bydd cyfraniad Morgannwg yn adeiladu ar ganlyniadau prosiectau STAR a STELLAR a SENESCHAL, a ariennir gan yr AHRC. Bydd hyn yn cynnwys data cysylltiedig a gwaith gwasanaeth ar y we, ynghyd â phrosesu iaith naturiol i wella mynediad at lenyddiaeth lwyd archeolegol. Mae'r partneriaid yn cynnwys mwyafrif y gwasanaethau cenedlaethol Ewropeaidd presennol, a phartneriaid mewn gwledydd eraill sy'n gobeithio datblygu eu seilweithiau eu hunain.

Mae mwy o wybodaeth ar wefan ARIADNE.